Pagsasalin ng Panitikan sa Ingles at Filipino: Mga Kasanayan at Hamon ng mga Kolehiyo at Gradwado
Keywords:
Bokabularyo, Estratehiya Sa Pagsasalin, Kulturang Pag-Unawa, Panitikan, Pagsasalin, TeknolohiyaAbstract
Layunin ng pag-aaral na suriin ang kasanayan, mga hamon, kagamitan, estratehiya, at kultural na pag-unawa ng mga mag-aaral sa kolehiyo at gradwado sa pagsasalin ng mga pampanitikang akda mula Ingles tungo sa Filipino, bilang batayan sa pagpapahusay ng pagtuturo at pagkatuto ng pagsasalin. Gumamit ito ng deskriptibong disenyo ng pananaliksik at purposive sampling sa pagpili ng tatlumpung (30) mag-aaral mula sa Cebu Technological University na kabilang sa mga programang may kaugnayan sa Filipino at English. Talatanungan at 20-item na checklist ang ginamit sa pangangalap ng datos, habang bilang at porsyento ang ginamit sa pagsusuri. Ipinakita ng resulta na karamihan sa mga respondente ay nasa antas na “Mahusay” at “Katamtaman” sa kasanayan, bagaman mayroon ding mga nasa antas na “Baguhan.” Pangunahing hamon sa pagsasalin ang kakulangan sa bokabularyo, kahirapan sa pag-unawa sa teksto, at paghahanap ng katumbas na salita. Mas ginagamit ng mga mag-aaral ang online translation tools at internet kaysa sa tradisyunal na sanggunian, samantalang ang pag-unawa sa konteksto ang pinakaginagamit na estratehiya. Lumitaw din na malaking bahagi ng mga respondente ang kumikilala sa mahalagang epekto ng pagsasalin sa pag-unawa sa kultura, partikular sa mga tradisyon, kaugalian, kasaysayan, paniniwala, at pagpapahalaga. Natukoy din na ang pag-unawa sa konteksto at patuloy na pagsasanay ang pinakamahalagang elementong dapat isaalang-alang sa modelong pagsasalin. Inirerekomenda ang pagpapalawak ng bokabularyo, aktibong pagsasanay, mapanuring paggamit ng teknolohiya, at integrasyon ng pagsasalin at digital resources sa mga programang pang-akademiko. Ang pag-aaral ay pangunahing nakaangkla sa SDG 4 – Quality Education sa pagsusulong ng mas epektibong pagtuturo at pagkatuto. Nag-aambag din ito sa educational, cultural, at technological sustainability sa pamamagitan ng pagpapaunlad ng kasanayan sa wika, pagpapahalaga sa kultura, at responsableng paggamit ng teknolohiya sa pagsasalin.
References
Bautista, R. C. (2022). Pagtatasa sa mga Salik na Nakaaapekto sa Pag-aaral ng mga Mag-aaral sa Kolehiyo. Journal of Educational Research, 10(1), 1-15.
Bolata. (2022). Ang kahalagahan ng pagsasalin sa pagdadala ng mga klasikong akdang Europeo sa konteksto ng Filipino.
Creswell, J. W. (2020). Research design: Qualitative, quantitative, and mixed methods approach. Sage Publications.
Darupan, J. M. D., Herminigildo, L. M., Maniego, S. C., Martinez, E. G. S., & Socorro, L. V. (2024). Kahalagahan Ng Paggamit Ng Wikang Filipino Sa Pag-Aaral Ng Mga Asignatura Sa Panitikan, Kultura at Kasaysayan Ng Pilipinas Sa Mag-Aaral Na Medyor Sa Filipino. Ascendens Asia Singapore – Bestlink College of the Philippines Journal of Multidisciplinary Research, 3(2).
Dela Cruz, J. M. (2022). Ang epekto ng kurso sa kasanayan ng mga mag-aaral sa kolehiyo. Pambansang Kongreso sa Sikolohiya.
Dela Cruz. (2022). Ang Epekto ng Pagsasalin sa Pag-unawa sa Kultura ng mga Mag-aaral sa Filipino. Journal ng Wikang Filipino, 10(1), 12-25.
Fraenkel, J. R., & Wallen, N. E. (2022). How to design and evaluate research in education. McGraw-Hill Education.
Francisco, C. (2023). Ang paggamit ng wikang Filipino sa pagtuturo ng mga asignatura.
Francisco, C., & Carlota. (2024). Pagsasalin ng mga teknikal na termino mula sa Ingles tungo sa Filipino.
Gutierrez, R. B. (2023). Pag-aaral sa mga Katangian ng mga Mag-aaral: Isang Pagsusuri sa Konteksto ng Edukasyon. Journal of Educational Studies, 15(2), 45-60.
Lumacao, L., & Ijan, I. (2023). Ang papel ng machine translation sa pagsasalin at ang mga teknik na ginagamit nito upang mapanatili ang kalidad ng salin.
McMillan, J. H. (2023). Educational research: Fundamentals for the consumer. Pearson.
Ramos. (2022). Ang Impluwensya ng Wika sa Pag-aaral ng Kultura ng mga Mag-aaral sa Filipino. Journal ng Wikang Filipino, 10(1), 12-25.
Santos, J. M. (2022). Ang Epekto ng Karanasan sa Pag-aaral sa Kasanayan ng mga Mag-aaral sa Kolehiyo. Philippine Journal of Education, 10(2), 12-20.
Santos, J. M. (2022). Ang kahirapan sa pagsasalin ng mga akdang pampanitikan. Pambansang Kongreso sa Wika.
